الموضوع: كلمة ترددها دائما وانت تسولف!!!

[align=center]
يعطيك العافية مشتاق

سبحان الله احيان يتبرمج اللسان على كلمة ونكررها بس مجرد ماينتبه لها الاخرين نتركها

بالنسبة لي كلمة (وه بس) عجزت اتركها او احرر لساني منها وكلمة اخرى{الله المستعان}

وان شاء الله نكرر كلمات بها لفظ الجلالة اكثر...

لاعدمناك اخي مشتاق
[/align]

[align=center]
لكل منا لكنته في الكلام

والتي تأتي بغير القصد منا

ولكنها تلازمنا كنتيجة لتعودنا عليها

عني انا فكثير اردد بين كلامي كلمة (( انزين ))

وعلى طول هذه الكلمة تلازمني وتجي كتأكيد مني وبعدها استرسل

والاحظ انه مو بس انا فبنت اختي ايضا لها نفس الكنه هذي

وايضا كلمة (( والله العظيم )) تجي كثير بآخر كلامي

وخصوصا لمن اكون متنرفزه فاختم كلامي بــ والله العظيم

مشتاااق // شكرا جزيلا لك على هذه المشاركة الجميلة

[/align]

فكرة ولا احلى يالمشتاق ..
/
بيني وبينك احيانا الاحظ نفسي اني اكرر كلمة " جميل" او ممتاز !
فاحاول اني انتبه لها واحينا اسهى وتطلع .. عاد اش اسوي ..هههههههه
/
لجمال الفكرة تستحق الشكر والتقدير ،

والله انا لزقت كلمتين في لساني من واحد كنت اتمصخر عليه

عاااااااااااااااد شسوي انا قلبي دفتر خخخخخخخخخخخ
:210:

كلمات كثيرة اكررها دوما سواء بالعربي او الانجليزي

في العربي .. طبعا

في الانجليزي I hope that
Yes

انا بالنسبه لي الكلمه الي داايم اقولها وانا اسوولف ..(ايوه)..
ولا كلمة ياحليلك..ياحبيلك..>>هذه ماتفارقني..

موضوووع من جد حلللو تسلم اخوي مشتااق ..
ودمت بود

[align=center]


\
/
/
مشتاق اعجبتني الفكره فهي تجعلنا نسلط الضوء على انفسنا لنستكشف الكلمات التي دائما نكررها

وبالنسبة لي دايم اكرر بين كلامي اللهم صلي عالنبي احسها ملازمه لي كثير وكثير قالوا نحب منك تكرار الصلاة عالنبي

واكرر " يعني مثلا مثلا يعني "
وكمان كلمة " لحووووول "
و " يا ليل الليل " $:
وكذلك " اوكي " وحتى صارت لي سالفة مع هالكلمة من كثر ما دايم اكررها
مره كنت متصله على شيخ ابي اساله عن مساله وكنت دايم اكرر اوكي .. قاطعني الشيخ بعد ما مل من تكراري لها ووقال حنا عرب مسلمين فياليت ما تكرري كلمة اوكي انا استحيت وحمرت خدودي
وقلت له ان شاء الله وتوني استرسل بسالفتي الا اقول وكي حسيته بينه وبين حاله ضحك وقال ما امدانا نسينا وشكله قال يا خسارة النصح فيك

[/align]

[align=center]



والله موضوع حلو .. ووناسة نعرف وش نقول
ووش يقول غيرنا

/
/

بالنسبة لي دايم اكرر كلمة [ انزين ]
وفي كلمة تطلع مني دون شعور اللي هي بشكل كبير [ يادوب ]

يادوب كنت باتصل يادوب خلصت شغلي يادوب قفلت النت

غير اني وقت اضجر اكرر كلمة [ هـُهو ]
وهي باللفظ اوضح لو تبغوني اسجلها لكم بالصوت حاضرة



دايم ايضا اكرر i love you
او عكسها i hate you

ورايحة وجاية على كلمة i like this او بالعربي [ يعجبني ذلك ] :223:

ابوك يالنعجليزي كلها كلمتين وفرحانة فيهم :24::223:



[/align]

|[مشتاق]|

تسلم عالموضوع الرائع

منها نعرف كل واحد شنو الكلمه العالقه عنده

بالنسبه لي اكرر كلمة

(يالدب/هـ) و (يعني جذي) و (المهم)

يعطيك العافيه

تحياتي

مَوضوع جميل ..
بالنسبَة لي عندي كلمات كثيرة أكررها
أبرزها ودايم أقولها وقت ما يكون مزاجي
مقفل .. [ ترآك أشغلت وجهي ] ، [ انثبر ]

فيه كلمة دايم يعلّقون علي بخصوصها لأني أنطقها
بشكل غريب مدري ليه يمكن مع الحماس ههههههههههه
[ ما قِـتـّلـك ] اللي هي نفسها [ ما قلت لك ] ، هي قريبة
منها بس التاء تسبق اللام مدري ليه وأتمنى أعرف مع الوقت

بآقي كلمة دايم أكررها ومعذبتني بيني وبينكم .. [ طيب حلو ]
أتمنى أشوف مشاركات الجميع لأن الموضوع ممتع جدًا
شكرًا جزيلاً أخي المشتاق .. دُمت بخير وسعادة

سلامـ ..
أكثر كلمه أقولها
[mark=#ff0000]المهم [/mark]
و
الكلمة اللي من عرفت الدنيا وهي عالقة معي
[mark=#ff0000]لا[/mark]
و
[mark=#ff0000]شسمه[/mark] << كل ابو دايم اقولها
و
[mark=#ff0000]موطبيعي[/mark] :223:<< اقولها للمدح والسب وكلش
و
اذا قعدت احلف كثير معناه اني بوصل شي معين وخاني التعبير

وتسلمـ خيووو .. وماننحرمـش من مواضيعك

موضوع .. حلو أخوي مشتاق

وشفنا ... كلمات عالقة لدى الجميع

ومن الجميل .. أن نعرف تلك الكلمات المتكررة اللي دوم نكررها

..

انا بالنسبة لي أكثر كلمة أكررها على طول (( ربنا يجيب مطر ))

وكمان .. كلمة ( أساسا ) ,, يعني مثلا أقول ..

اساسا ماتجي كذا

أساسا .. هي كذا

أساسا .. إنت ما عندك سالفة

أساسا .. موضوعك طريف وحلو

... .


هذا اللي يحضرني الآن

ولك تحيتي